Samarqand shahri o'zining qadimiy urf-odatlari, an'analari bilan dunyoning turli chekkasidan tashrif buyurayotgan syyohlarni va qolaversa jurnalistlarni ham o'ziga jalb etib kelmoqda. Bu tarixiy shaharning turizm salohiyatini dunyoga namoyon etish va yurtimizga tashrif buyurmoqchi bo’lgan sayyohlarga vatanimiz tarixi haqida ko’proq ma’lumot yetkazish maqsadida hozirgi kunda xalqaro telekanallar O’zbekiston haqida ko’plab videoroliklar, teleko’rsatuvlar tayyorlashmoqda.
Aynan ana shu maqsadda Fransiyaning "World history ARTE" kanali rejissorlar guruhi Samarqand shahriga tashrif buyurishdi. Kanal ijodkorlarining Samarqand shahriga tashrifidan ko’zlangan maqsad, qadim tarixga ega masjid-u maqbaralar, Samarqand shahrida yashab faoliyat olib borgan yozuvchi va shoirlar hamda turizm sohasining bugungi kundagi rivoji to'g'risida maxsus tele-dastur tayyorlashdir.
Ushbu rolik ARTE kanalida efirga uzatiladi.
Ma’lumot uchun: tasvirga olish ishlari hozirgi kunda ham davom etmoqda.
Тurizmni rivojlantirish davlat qo`mitasi matbuot xizmati.